CDF-Hakha Nan Thil Tuah Mi Lung A Hmui Taktak

Nihin ah SAC ralhrang ralkap pakhat cu a hriamnam he CDF-Hakha ah a pe tiah theih asi. Hi pa hi Hakha khuapi (266) Battalion ah a um mi a si. A hriamnam he CDF-Hakha ah a rak lut caah lawm maan ah ting (50) an pek i, a mah a him khawhnak hmun ah an tuak tiah thawng kan theih. Ralhang ralkap kut tang ah um kan huam ti lo caah a tu bantuk in, MA1 meithal he ka rak nak hi a si tiah a chim. A rak kei mi hriamnam cu MA1 pakhat, meithal kuan rawnnak pa 4 le meithal kuai (126) he CDF-Hakha sinah a rak lut mi asi. SAC ralhrang ralkap pakhat cu a hriamnam he CDF-Hakha ah a pe mi pa cu a hmimnak bik a si ding mi hmun ah CDF-Hakha nih an kuat cang.

July thla chung ah ralhrang ralkap minung pathum an hriamnam he CDF-Hakha sinah an i pe cang hi zong kan miphun kan thlacam nak a si. Thlacam daithlang hrimhrim hna hla usih. Atu bantuk in kan mah le kan ti khawh tawk tein kan rak cawlcangh ah cun caan rau hlan ah Bawipa bawmnak thawng in thei nak kan hmu ko lai.

Thawngpang dang Chin ramkulh, Kanpetlet peng, Masatui khua cu SAC nih nihin July 18, zinglei suimilam 11:00 hrawngah raltuknak vanlawng 5 in bomb a thlak i kahdohnak a tuah, tiah CDF-Kanpetlet(Khonu Battalion) nih an thanh. SAC ralkap nih khuachung ah bomb an thlak ruangah tualchung mi hna umnak inn le Biakinn an rawk i, hliamhma tuar mi an um le um lo cu fiang tein theih a si rih lo.

NUG nih Myanmar ramchung ralhrial hna ca ah hriamnam a si lomi bawmhnak pe dingin US cozah cu dollar million 500 leng bawmh a hal, tiah VOA nih a langhter. Ralhriam a si lomi drone, motor, ngiathlainak thilri leng ah khat le khat i pehtlaihnak seh thilri cawknak ca ah dollar million 200 le kahdohnak ruangah a zaammi minung 1.5 million hna ca ah NUG nih US cu dollar 525 million bawmhnak a hal.

Sinain Russia-Ukraine kahdohnak le Tuluk tlerhkhawnnak a linhsat tuk lio a si ruangah Myanmar ram dohthlennak thawngpang cu media ah a lang lo ngai i, atu dirhmun ah NUG nih a halmi thilri hna cu ralram hman khawh mi phun an si caah bawmhnak pek dingah a fawi lo ngaimi a sinak kong kherhhlaitu hna nih VOA ah an chim ve.

"SAC ralkap nih rammi a nuai in harnak an pek hna i nifatin in innlo an khangh ruangah inn khanghpiak a tongmi hna ca ah US lawng si loin International Community hna le cozah dang hna sin zong ah bawmhnak kan hal zungzal," tiah NUG President zung in chimphuannak nawlngeitu Kyaw Zaw nih a chim.

US nih a luancia kum December thla lioah 2023 kum ca ah National Defense Authorization Act(NDAA) cu fehternak an rak tuah. Cu Act chung ah cun NUG, PDF le tlangcung hriamtlai EAOs hna telh in Democracy hmuh khawh nak ding ca ah dohthlennak a tuahtu phu vialte cu fimthiamnak le hriamnam a si lomi bawmhnak pek ding kong aa tel.

Post a Comment

0 Comments
* Please Don't Spam Here. All the Comments are Reviewed by Admin.