Khin U Peng Ah SAC Ralkap Nih Inn 3 Le innzuat Ar 40,000 Leng An Khangh!

 


Khin U Peng Ah SAC Ralkap Nih Inn 3 Le innzuat Ar 40,000 Leng An Khangh!


Sagaing ramṭhen, Khin U nichuahlei Konekyi khua ah zaan a riakmi SAC ralkap nih nizaan July 6, chunhnu ah Laytittaw khua tualchung mi hna umnak inn 3 cu an khanghpiak hna pinah Ar zuatnak hmun 13 ah an khangh i, Ar 40,000 leng an kaang chih, tiah theih a si.

Ar zuatnak hmun an khangh dih hnu ah Konekyi khua nitlak thlanglei Tama khua cu an khangh ṭhan i, inn zeizat a kangh kan thei kho rih lo, tiah tualchung mi nih an chim.

SAC ralkap hna cu Khin U peng i rallam an sial ruangah Laytittaw khua, Konekyi, Tama, Sutat khua in mimung a thong reng lo cu a himnak hmun lei ah an zaam hna, tiah Khin U peng tualchung media nih an langhter.

Mizoram ramkulh, Aizawl khuapi, Ṭhuampui sang hotel pakhat ah aa ṭhummi Myanmar mi pa pahnih sin in 4.691kg in a ritmi Methanphetamine(ritsi) cu July 4, zaan suimilam 10:15 ah kan tlaih, tiah Mizoram palik nih an thanh. Tlaih a tong mi Myanmar mi pahnih hna cu kum 33 tluk si mi Lal Lian Thang le David Lal(kum 28) an si, tiah Mizoram palik nih cun an langhter.

Hmanthlak : Mizoram police

US President Joe Biden Nih Cluster Munitions Ralthuam Ukraine Pek a tum

US President Joe Biden nih Russia Belarus Tactical Nuclear Missile khamkhawhnak ding ah Ukraine nih caan saupi an rak nawl mi Cluster Munitions cu Ukraine sin ah pek a timh cang tiah theih a si.

U.S phunglam nih Cluster munitions hi ram dang mi sin kuat le zuar hi a rak onh loh. A sinain, Ukraine nih caan saupi chung a rak nawl mi cu ruah lo pi in pek a timh hna tiah theih asi.

Cluster weapons hi an i tinhnak hmunhma chung ah puak in aa ṭhek mi a si. Vawlei cung ram 120 fonh nih an siam chuah mi si. Hi ralthuam nih hin Russia hriamtlai phu kahcham ah aa thup mi hna lak ah chiatnak fak pi in a chuah pi khawh lai tiah an chim.

Mizoram Laam Thiam Lalhriatzela Electric Mei Tlaihnak In A Nunnak Lian

Jyly 6, zing suimilam 10:00 tluk ah Mizoram laamthiam Nintendo tiah rak theih mi Lalhriatzela, Zuangtui sang ah khua sa mi cu an dum-chung a thlawh lio ah electric mei hri nih a tlaih sual ca ah a nunnak a liam.

Lalhriatzela hi Mizoram laamthiam mi lak ah cun mi nih theih khun mi a si 2016 ah khan Mumbai Hip Hop International India National Qualifiers ah 2 VS 2 All Styles Battle ah a Arunachal a hawipa he Gold MEdal zong an rak lak bal.

2019, khan Indian dance reality show Star Plus Channel timhlamh mi ah Top 32 tiang a rak phan. Mizoram chung dance reality show zuamnak ah a cung bik dir hmun la in Snow Buzzer tiang a rak lak tiah theih asi.

2020, Delhi le Mumbai ah laam cawnnak rak ngei in Singapore laam zuamnak ah India ram aiawh in kal aa tim. A sinain, Covid zawtnak ruang ah an let i Mizoram ah a rak kir ṭhan tiah theih asi.


Post a Comment

0 Comments
* Please Don't Spam Here. All the Comments are Reviewed by Admin.