Kum 17 US Nu Thil Tawnmi Cu Social Media Ah Hmunhna A La Taktak

 


US ram ah nu tleirawl, kum 17 Hafsah Abdur Rahman an ti mi nu a ko ng lam cu social media platforms ah hmunmha a la ngai ngai. Hafsah Abdur Rahman cu a sianginn kainak diploma certificate lak dingin stage cungah a kal lio ah hla a sak ruangah an a sianginn a dihnak diploma certificate cu an rak pek than lo caah Hafsah Abdur Rahman nih, kan principal nu nih ka certificate hi aa ka fiarpiak tiin a chim. Hafsah abdur Rahman nih hi diploma certificate kan principal nu nih ka sin in a ka fiarpiak mi hi zeitik hman ah ka hmu tthan ti lai lo tiin a chim. 

An principal nu nih hin stage cungah diploma certificate lak dingin an kauh mi Hafsah abdur Rahman cu hla sak le lam buin a kal mi hi a duh lo ruangah lunglawm ngai in certificate lak dingin stage cung a pan mi nu cu a tthutnak ah kit tthan dingin a ti caah hafsah abdur Rahman cu a hawi dang bantuk in a fim cawnak diploma certificate a hmu kho ve lo nak a si. Hi thil dang mi nih hin tu lio US le social media ah hmunhma a la taktak. 

Thawngpang Dang relchih... 

Manipur Imphal khuapi ah Venhimnak rianṭuan tu le mipi an i nam ṭhan ca ah tualchung mipi pahnih hliam an tuar. BJP hruaitu inn zong khangh an timh ti ah ṭuanvo ngeitu hna nih an chim.

Imphal pin ah Kwakta, Bishnupur peng le Kangvai, Churachandpur peng ah kahdohnak a chuak ṭhan fawn. Imphal nitlak-chaklei Iringbam palik station in ralthuam zong fir an timh a sinain zeihmenh an la menh lo.

Army, Assam hriamtlai phu le Manipur Rapid Action Force hna nih khuapi chung buainak chuak ding veng in zankhuadei joint march an ngei tiah theih asi. Mipi a fun mi hi 1,000 tluk an si i palace compound kam ah inn khangh an timh tiah kan theih.

Sinjemai ah zantlai hnu ah BJP pisa thah ding in an kulh asinain, ralkap nih an ṭhawl khawh hna. Imphal zong ah BJP women's wing president Sharda Devi inn cu luhhnawh an timh chih asinain, hriamtlai tu phu nih an ṭhawlkhawh ṭhan hna. Union Ministee RK Rangjan Singh umnak inn zong kan hnu cacawn ningani khan luhhnawh in khanghpiak a si. 

United State Secretary Anthony Blinken nih China ram a tlawnnak ah China a chim mi bia, China nih Russia le Ukraine an idohnak ah China nih Russia a bawm mi kongah China nih Russia sinnah a tuah lo dingmi cu hi tihin a chim hna. Russia nih Ukraine an idohnak ding caah na kuat mi hriamngan hna hi na pek tinak hnga lo tiin biakkamnak a tuah hna. China nih Russia le Ukraine an idohnak ah Russia nih hmai an fawm khawh deuh nak caah technology pek khawhnak a thar in kan i ruah tiin an chim ve. 

United State Secretary Anthony Blinken nih China Cozah sinah a chim mi cu,  atu China nih Russia hriamngan nan bawm mi kongah hin nan i ralring a hau tiin kan nawl duh hna tiin a chim hna. US State Secretary Anthony Blinken nih tutan China ram a tlawm mi ah hin China nih Russia, Ukraine dohnak caah a bawm mi hriam kongah tampi hlawh tlinnak a um kho. 

Adang thawngpang relchih.... 

Chin ramkulh, Mindat khuapi nichuah lei ah SAC ralhrang nih umhmun an khuarnak Gate cu Chin Defence Force-Mindat nih 2023, June 11 le 16 ah luhhnawh in an kah hna caah SAC ralhrang 1 a thi, tiah CDF-Mindat nih June 18 ah cathanh an chuah. A luancia June 13 zong ah Mindat khuapi nichuah lei um SAC ralhrang Gate cu kan kah ṭhan i, ralhrang lei hliam a pimi 2 an si, tiah an langhter.

SAC ralhrang nih duh paoh in Mindat peng khuate hna ah ummi sualnak ngeilo mipi hna tinh chih in an kahdoh hna lio ah mah miphun le mah ram zong venghim lo in hmundang le ram dang ah a chuakmi mino an tam ngai cang. Cucaah kum 16 in 35 karlak mino hna cu CDF-Mindat nawlpeknak tel loin hmun dang le ram dang ah chuahnak nawl kan in pe ti hna lo, tiah CDF-Mindat nih cathanh an chuahmi ah an langhter chih.


Post a Comment

0 Comments
* Please Don't Spam Here. All the Comments are Reviewed by Admin.