Minung 15 An Thih Hnu Ah New Delhi Fimcawnnak Primary Sianginn An Khar



New Delhi ruahpi fak tuk surnak in leiminhnak le ti-lianhnak hmundang ka dang ah a chuak. July 8, i New Delhi Monsoon ah ruahpi surnak in minung 15 nunnak a liam hnu ah Delhi fimcawnnak primary sianginn cu caan tlawmpal chung khar siseh tiah ṭuanvo ngeitu hna nih cathanh an chuah.

Deihli khuapi cu ruahpi nih fak tuk in a khuh ca ah hmun dang ka dang cu buainak fakpi in a pek hna tiah an chim. A bik in Himachal Pradesh le Uttarakhand ah ti-lian le leiminhnak in minung 10 an thi tiah Press Trust of India News Agency nih a langhter.

Ruahsurnak in leimin nih Himalaya ah khualtlawng motor a kham hna. Cu ruang ah tualchung mipi hna cu a harh lo mi thil ah inn chung in leng chuak lo ding ah ṭuanvo ngeitu nih an nawl hna.

India’s weather agency nih, caan raulo chung in Delhi ah cu hlannak in ruahpi a fah lai ca ah lengchuah le umkal i ralring hna u sih tiah nawlnak an tuah.

 Chin ramkulh, Tedim peng, Taingen khua um SAC ralhrang sakhan cu mipi ralkap PDF-Zoland & CDF CDM-Siyin hna nih luhhnawh in an kahdoh hna caah SAC ralhrang lei an faak ngai i, raltuknak vanlawng pawl in an kahbawmh hna, tiah theih a si.

July 10, zaan in kahdohnak a chuah hi a si i, SAC ralhrang lei thimi an tam caah raltuknak vanlawng 6 hrawng in a kahbawmh hna, tiah theih a si. "Kahdohnak a faak ngai caah Jet fighter 6 hrawng in a rak kah. Atu tiang kahdohnak a dai rih lo" tiah ralhmai um thawngla tu pakhat nih" a chim.

Cu pinah Kalay khuapi in SAC ralhrang nih motor 5 in thazaang an chap nain mipi ralkap hna nih kahdoh in an kham hna caah Taingen khua an phan kho rih lo, tiah theih chih a si.

Kahdohnak a fahnak hmun Karen(Kaya) ramkulh ah SAC ralhrang nih cungleile tang lei he thazaang a chap chin lengmang pinah cunglei in hriamthil a chap hna. Cu a chapmi hriamthil cheukhat hna cu Demoso PDF nih an laak, tiah PDF in ṭuanvo ngeitu pakhat nih a chim.

"Demoso nitlaklei ah kan laakmi a um bantuk in nichuahlei hmun zong ah kan laakmi an um nain a zah tucu kan langhter duh lai lo" tiah a cunglei upa nih a chim.

Karenni thawngzamhnak nihcun "July 10 ah SAC ralhrang nih cunglei in an thlakmi hriamthil tingkuang mipi ralkap nih an laakmi cheknak an tuahmi ah 40MM bomb kuan lung 50 zong aa tel" tiah a langhter ve.

July 11 zing suimilam 5 hrawngah Tedim peng Taingen khua ah SAC ralhrang le Chin ralkap karah kahdohnak a chuak tiah thawng kan theih.

Hi kahdohnak ruangah Kalay myo khua lei in ralhrang nih hriamngan in an vun bawmh hna pin ah motor 5 in Taingen khua lei ah thazaang chap dingin an rak kai tiah mit in a hmutu pakhat nih a chim.

Post a Comment

0 Comments
* Please Don't Spam Here. All the Comments are Reviewed by Admin.