Mizoram Ah Aa Dormi Manipur Le Myanmar Ralzam Ca Ah Hlasak Thiam Sawmte Chhangte Nih U.S Ah Gospel Charity Concert A Tuah + Thawngpang Dang Hna

 


U.S ah um lio mi hlasak thiam Sawmtea cu Mizoram ah aa dormi Manipur Le Myanmar ralzam hna ca ah Gospel Charity Concert a tuah lai tiah theih asi. A ni le caan cu Jyly 16, 2023 Pathian ni ah si lai i Chin Baptist Mission Church (CBMC) Maryland, USA ah tuah a si lai.

Mizo Society of America le Chin Association of USA bu fonh in tuah mi a si lai ca ah hlasak thiam Sawmtea chhangte pin ah mi dang hlasak thiam Joseph Suanlian, Rebecca Fanai, Sabina Fanai, Sui Par Chin hna zong an i tel chih  lai, concert hi live music in thlah a si lai.

Hi kong he pehtlai in, Sawmtea Chhangte nih a lunglawmgnak bia a chim mi cu a tu bantuk in kan unau bawmhchanhnak caan ṭha kan ngeih khawh ding mi hi keimah pumpak zong in ka lawm, Mizoram ah Charity Concert tuah in voitampi ka tlawng cang. USA zong ah mah rian herh lawng si lo in, kan unau ralzam hna bawmhchanh khawh tawk bawmh ding in a ra mi ka si ca ah ka lawmhnak zong a sang bik tiah a chim.

"Kan Unau hna bawmhchanh an herh, a zaam ding kan si lo khoika hmun kan um zong ah kan ti khawh tawk in cawlcangh cio i zuam ko hna u sih tiah a chhimchap.

Concert tuahnak in an hmuh ding mi tangka thianghlim hi CYMA kut ah pek a si lai i, CYMA nih ralzam hna sin ah a herh ning in bawmhchanhnak an tuah lai tiah theih asi.

 

2023 kum thawk in kum cheu tiang Karen ramkulh chung kahdohnak ah SAC ralbawi commander 5, deputy commander 5, captain 9 le Lieutenant 4 telh in ralkap 2632 an thi, tiah Karen National Union(KNU) nih nizan July 9 ah cathanh an chuah.

2023 January 1 in June 30 tiang ah nawlngeihnak latu SAC ralkap le Karen ralkap hna cu Karen ramkulh chung voi 2495 an i kap, tiah an thanhmi ah an langhter.

Kaphnih kar kahdohnak ah SAC ralkap lei ralbawi hna telh in ralkap 2632 an thi i, ralkap 1685 hliamhma an tuar pinah SAC ralkap nih an hmanmi motor 99 zong Karen ralkap nih an hrawh.

Kahdohnak ah cun KNLA, KNDO le tualchung hriamtlai phufonh lei in ralkap 76 nih ram le miphun ca ah nunnak an pek i, ralkap 257 hliamhma an tuar, tiah Karen National Union(KNU) nih an thanh.

 Karenni ramkulh, Loikaw peng ah nihin July 11 zing suimilam 7:30 tluk ah thazaang chap dingin a kalmi SAC ralkap nih kahdohnak um loin meithal an thlah ruangah minung pathum nunnak a liam. SAC ralkap nih hin motor cung in tualchungmi cu an kah hna, tiah Progressive Karenni People Force(PKPF) in ṭuanvo ngeitu pakhat nih a chim.

SAC ralkap nih kahdohnak um loin meithal an thlah ruangah Loikaw peng um, Nualapu khuami nu pakhat le pa pakhat, Konethar khuami kum 17 tluk pa pakhat hna cu meithal kuan nih a khen hna ruangah an nunnak a liam, tiah theih a si.

"SAC ralkap hna cu motor 15 hrawng he Mobye in Loikaw lei ah thazaang chap dingin an kal i, lampi ah tualchung mi hna cu a ruang um loin an kah hna. Hiti an kahmi hna hi PDF an kan ṭih tuk i an kan kah sual lai ti an phan caah a si," tiah PKPF in ṭuanvo ngeitu nih cun a chim. SAC nih nawlngeihnak an laak hnu in 2023 June thla dih tiang ah Karenni ramchung ah SAC ralkap kut in tualchung mi 365 nunnak a liam cang, tiah PKPF nih an langhter.  SAC nih nawlngeihnak an laak hnu in 2023 June thla dih tiang ah Karenni ramchung ah SAC ralkap kut in tualchung mi 365 nunnak a liam cang, tiah PKPF nih an langhter.

Post a Comment

0 Comments
* Please Don't Spam Here. All the Comments are Reviewed by Admin.