Phaisa Rs. 50 Ruangah Mi Thahtu Miphun Hi Mi Zei Miphun Dah An Si Hnga A Poi Taktak



Money is god a timi minung hi an tam um taktak ko mahbelte cu nunnak hi phaisa nih a caw kho lo ti hi mi zei minung, miphun hman nih kan thei cio ko. A cung lei title ah kan tak langhter cang bangtuk in phaisa Rs. 50 ruangah minung nunnak an lak duh taktak ko hi cu a poi hringhran ko e. India ram Bihar, Bhojpur Toll Plaza worker rian ttuan tu kum 35 pa cu phaisa Rs. 50 rupee fiar an puh ruangah mi bupi cheukhat nih thilak in an velh tiin report an tuah. 

Hi i thahnawnnak hi social media ah a viral ngai le a video hi mibipi nih an vuaknak video a si tiin an chim. Thah a tawnmi chungkhar nih FIR an tuah cang tiin an chim i, a ruak hi hospital ah post-mortem tuah lio a si tiin police officer nih a chim i, post-mortem result an hngak lio a si. Hi thil cang hi a liam cia mi nihnih ni ah khan a cang mi thil a si. 

Adang thawngpang relchih... 

Shan ramkulh chaklei Thein-ni khuapi pawng ah Tuluk ram in Myanmar ram ah a lutmi SAC ralhrang hriamthil pawl phurtu motor ke 12 ngei cu aa leh caah SAC ralhrang 2 an thi, tiah tualchung mipi hna sin in theih asi. June 18, nihin ah aa leh hi asi i, motor a khaltu mipi bantuk in aa umtermi SAC ralhrang 2 hna cu motor lu nih a ceh hna caah an thi, tiah kan theih.

"Theinni (သိန်းနီ) khuapi pawng ah motor 12 ngei aa let caah a khaltu bantuk in aa umtermi SAC ralhrang 2 motor lu nih a reh chih hna caah an thi. SAC ralhrang pawl caah hriamthil pawl a phurtu motor a si. Tuluk ram in a rak lutmi a si" tiah min langhter a duh lo mi mipi pakhat nih Khit Thit ah a chim.

Motor lehnak a chuah lio ah cu hlan bantuk in tualchung chiatṭhat zohkhenh tu phu an ko-au hna lo. Sii-inn motor le meithattu motor hna in an laak hna i, motor a khaltu pawl cu SAC ralhrang pawl an si, tiah tualchung mipi hna nih an chim.

"Cu hlan ahcun atu bantuk thil a cansual tik ah tualchung mipi bawmchantu (Chiatṭhat bawmchantu) phu kawh-auh in Line ah langhter an si tawn nain atu cu sii-inn motor le meithat motor pawl in an phurh hna" tiah tualchungmi pakhat nih a chim.

June 17 zong ah 12 ngei motor 15 in SAC ralhrang nih No.16 SAC ralhrang (ke ralkap) pawl umnak Battalion hmun chung ah an lut hna i, hriamthil pawl an phurh lai, tiah zumh asi. Motor pawl cu mipi hna motor an si, tiah tualchung mipi nih an chim chih.


Post a Comment

0 Comments
* Please Don't Spam Here. All the Comments are Reviewed by Admin.