SAC Ralhrang Pawl Cu Aw Inn Bauh Le Thil Fir In An Vak Ko



SAC cozah nih uknak a lak hnu in Chin ramkulh khuapi cheukhat SAC ralhrang nih a humhak mi khuachung hna ah inn bauh le mithil fir a tam caah khuami lungre thei in an um hna tiah kan theih. Atu tan Hakha a phan thar mi SAC ralhrang hna hi a rak um thing mi he an i lo loh, an sual i an molh tuk. Zan ah hin mi inn ah lut in an thil an fir piak hna"tiah Hakha khuami pa pakhat nih a chim. Mah pin ah Mindat le Matupi khua chung zongah SAC ralhrang hna nih zan ah mi inn chung ah lut in le meithal in an hrocer hna pin ah an thilman sung le an satil tibantuk thah in an lak piak hna. Zan suimilam 6 hnu cun ho hmanh leng ah chuah a si ti lo, mah le inn cio ah kan um ko nain kan lungre a thei peng.

Zan ah hin SAC ralhrang hna cu mi inn ah lut in an thilri an lak piak tawn hna, inn kiken a um mi hna hi a bik in an lungre thei"tiah Matupi khuami pakhat nih a chim. Aluan cia June 29 lio zongah Matupi khua Lawngvan sang um mi nuva hna pahnih cu SAC ralhrang nih mi sawhsawh bantuk i um ter in an luh hnawh in an velh hna pin ah an nu suithi le hnatonh zong an lak piak hna. An nu zong siizung ah an rak kal pi tiah kan theih. 

Adang thawngpang relchiiiih :- 

July 5, zanáš­im hnu ah Israel nih Jenin refugee camp cu chuak taak in kum 20 chung a umnak hmun West Bank ralkap hmunhma laknak cu a phih tiah theih asi. Israel hriamngan kah mi hi suimilam 48 chung tluk nguh in lihnin bantuk in chiatnak a tlun ter tiah an chim. Palestinian chiatáš­hat zohkhanh tu phu nih an langhter ning cun, Israel hriamngan kahnak in Palestinian minung 12 an thi 141 hliam an tuar tiah an chim. Hliam tuar 141 lak ah minung 20 hi an dirhmun a derthawm ngai hna. Israel Defence Force hraimtlai phu chung in minung pakhat a thi ve tiah an langhter.

 Shan ramkulh chaklei Nam-hkam peng chung ah 2023, June 16 in 30 tiang ah ritnak siivai zuartu le a tawngmi minung 80 hna cu Ta'ang National Liberation Army (TNLA) nih an tlaih hna, tiah theih a si. Palaung State Liberation Front (PSLF) le TNLA in Special Forces hna nih cheknak tuah le an umnak hmun luhhnawh in an tlaihmi hna an si i, ritnak siivai a tawngmi minung 73 le a zuartu 7 (An dihlak fonh) minung 80 an si, tiah PSLF/TNLA nih a langhter. 

Tlaihkhih tongmi ritnak siivai a tongmi hna 80 chung ah Ta'ang miphun 29, Shan miphun 20, Kachin miphun 7, Tuluk miphun 13 le Kawl miphun 4 hna telh in a zuartu minung 7 an si. Riitnak siivai an tawnghnak hmunhma thlam pawl le an thilri pawl zong kan hrawhpiak dih hna, tiah an langhter chih. Tlaihkhih a tongmi hna cu Palaung State Liberation Front (PSLF/TNLA) nih ritnak siivai dohnak phunghram ning in tazacuai an si lai, tiah PSLF/TNLA nih a langhter.

Post a Comment

0 Comments
* Please Don't Spam Here. All the Comments are Reviewed by Admin.