Thailand Cozah Ralkap Dirpitu Vuanci Prayut Nih Ramkhal Rian A Dinhtaak A Dang Thawngpang



Thailand cozah ralkap hna uktu ṭhing, a liamcia kum 9 i Thailand tualchung mipi hna thlatu,vuanci Prayut cu July 12,2023, ah ramkhaltu dirhmun in aa din cang tiah an lang Prime minister ṭhing General Prayut cu ramkhal party thar ah Prime Minister dirhmun in a um, asinain tutiang ah cun a phi chuak ṭha lo ngai MP 500 ah seat 36 lawng a hmuh tiah theih asi.

Cozah thlak a si hnu in Prayut nih Prime minister rianṭuannak le ram zohkhanhnak ah caan zeimawzet chung ṭuanvo la in ram a rak hruai taw. Thailand fimthiamnak a rawkmi remhṭhan khawhlo ruang le eihmuarnak kalpi peng a si ruangah Minister Prayut phunglam le hruainak cu phihpiak a si.

Birmingham , Alabama meithattu ralkap hna umhmunkhuarnak chung ah meithal kahnak a chuak meithal kahnak hi tinh ciammam in kah mi asi tiah palik hna nih an chim. July 11, zingka suimilam 8:30 tluk ah Birmingham Alabama meithattu ralkap minung pathum umnak hmunhma ah minung pahnih meithal tlaitu pakhat nih a kah hna ca ah sii-inn ah chiah ansi tiah Birmingham palik hna nih an chim.

Hi kong he pehtlai in, "meithattu phu chung in ṭuanvo ngeitu pakhat nih a chim mi cu meithal tlaitu pa nih hin zeibantuk ruahchannak in dah a kan kah hnga thilmak ngai a si" tiah a chim. A tutiang in thilsual tuahtu pa hi a konglam zeihmanh an theih kho rih lo palik hna nih a umkalnak an hlathlai lio si tiah an lanChin ramkulh Tedim peng Taingen khua ah Mipi ralkap tangti phu le SAC ralhrang kar kahdohnak ah ralhrang lei 15 an thi tiah mit in an hmuh hna nak kong CDF CDM-Siyin tuanvo ngeitu pakhat nih a chim. "Ralhrang lei a thi mi 15 kan hmuh hna, an hriamnam kan lak i kan chuah lei ah cunglei in vanlawng nih a vun bawmh hna caah kan mah lei in minung 4 an nunnak a liam. Hriamnam zong an mah lei nih an lak than" tiah a cunglei upa nih a chim.

Vanlawng nih a vun bawmh hna ruangah  mipi ralkap tangti phu in CDF CDM- Siyin ralkap pakhat, PDF-Zoland in pakhat, Kalay-PDF in pakhat le CDF- KKG B7 in minung pakhat tiin minung 4 an nunnak a liam. "Kan mah lei nih an vun i chuah pi manh mi cu MA meithal zunkhat, 40mm Bom 30 le kuan 600 tluk an si. Ralhrang lei nih tanglei in bawmhnak an hal nain an tlamtlin lo caah cunglei in a vun bawmh hna caah a tubantuk in thil kan ton hi a si" tiah a cunglei upa nih a chim.

Taingen khua ah SAC ralhrang umhmun khuar mi hna hi palik he fonh ah 40 in 60 kar an um lai tiah ruah a si i a tulio zongah ralhrang pawl cu khur an i cawh mi chung ah an um rih. Hi kahdohnak lio ah cunglei in a bawmtu vanlawng nih voi 6 tiang Bom a thlak hnawh hna.

"Kan i tinh mi cu an sakhan lak hi a si, an sakhan chung tiang kan lut cang ko nain kan kuanfang a dih caah hnu kan pil than, kuan kan i deih lo caah harnak kan tong bik. Kan hawi le nunnak a liam mi ruak zong an sakhan chung ah a si tikah an ruak ka la kho hna lo, an ruak lak dingin khuami hna sin in bawmh kan hal hna, ralhrang lei nih an ruak a rawk hlan ah kan in pek ko hna lai tiin an leh hna" tiah CDF CDM-Siyin tuanvo ngeitu nih cun a chim.




Post a Comment

0 Comments
* Please Don't Spam Here. All the Comments are Reviewed by Admin.