US Nih Ukraine Hi Ttih A Nung Taktak Mi cluster bombs Hi A bawm Taktak Maw



Russian Defense Minister Sergei Shoigu nih US nih hin cluster bombs hi Ukraine a supply ahcun kan mah zawng nih hi bantuk cluster bombs hi kan hman ve lai tiin a chim nak cu khua chung media nih a chim. Russian Defense Minister Sergei Shoigu a chim rih mi cu atu tiang Russia nih Cluster munitions hmang lo dingin Russia ralkap sinah ka chim tiin a chim. Asinain US nih an chim ve mi cu Russia nih Ukraine ram ah a hramthawk kei ah khan luster booms hi a rak hmang cang nain a hlawh a tling kho lo tiin a puh ve. 

US lei nih an chim nak ahcun Russia nih Ukraine he an idohnak ah hin luster booms a hmangmi a hlawh tling lo mi hi 40℅ hrawng a si tiin an chim ve. A ho chim mi dah a hman deuh hnga luster booms hi US nih Ukraine hi bawm taktak sehlaw Russia zawng nih an hman ve lai ti cu fiang tein 
Russian Defense Minister Sergei Shoigu a chim ve ko hi. 

Taingen Khua Kahdohnak Hriamngan In An Bawmh Mi Kalaymyo Khuachung Ah A Tlak Caah Kum 50 Tluk Upa Pakhat A Thi

Chin ramkulh Tedim peng Taingen khua ah kahdohnak a chuak mi cu Kalaymyo ralhrang sakhan in an bawmh nak hna hriamngan cu Taungphila le Kyu-tung-pin sang chungah a tlak caah sangchung mi upa pakhat a nunnak a liam tiah kan theih.

July 11 zinglei suimilam 7 tluk ah Taingen khua ralhrang le mipi ralkap kar kahdohnak a chuak mi cu Kalaymyo khua chung ralhrang sakhan khah-lah-yah 228 le hramngan tlaitu Battalion 365 hna nih pehzulh in hriamngan an kah mi chungin 2 cu Kalaymyo sangchung ah an tla.

Ralhrang hriamngan kah mi cu Taungphila sang chungah a tlak caah kum 50 tluk nu upa pakhat a thi, a thi mi a tapa pakhat zong a taangah hliamhma a tuar ve caah aa thlop lio a si. tiah sangchung mi pakhat nih a chim. Kyu-tung-pin sangchung ah a tla mi tu cu minung aa hliam mi an um lo nain sii khan pawngah a tlak caah thilri cheukhat, motor cycle le hriamngan nih inn a peh mi tu cu a um.

Taingen khua kahdoh nak cu Kalaymyo khua chung ralhrang nih zinglei suimilam 6 in zanlei 4 tiangah hriamngan voi 20 in an bawmh hna. Hi kahdohnak ruangah SAC ralhrang a thimi le hliam tuar an tam tiah kan theih.

Mexican Khualtlawng 6 Phur Tu Helicopter Nepal Tlang Cung Ah Cansualnak A Tong An Dihlak In An Thi Dih

July 11, ah Mexican khualtlawng minung 6 phurtu helicopter cu Nepal Everest tlang sang cung ah cansualnak tong in aa citmi an dihlak an thi dih tiah theih asi. Cansualnak a tong mi helicopter hi Lamajura hmunhma ah a tla tiah chim in nunnak liam mi ruak hi chatṭhat zohkhanh tu bu nih an fimhlawm hna tiah president Basanta Bhattarai nih a chim.

Nunnak liam mi (Nu) pathum le (Pa) pahnih hi Mexican ram mi an si i helicopter khaltu hi Nepal ram mi a si tiah ṭuanvo ngeitu hna nih an chim.  Nepal chiatṭhat zohkhanh tu bu nih nunnak liam mi RUAK hi helicopter 2 hmang in an lak hna. A sinain, Sii-bawi nih ram dang mi an si ca ah an chungkhar sin kuat colh lo in embassy riantlai tu hna kut ah a chiah hma sa hna tiah an langhter.

Cansualnak a tong mi helicopter hi vawlei cung tlang sang bik zoh a duh mi hna khualtawng a phur tawntu a si tiah an langhter. Helicopter cansualnak a chuak ning hi zei ruang ah dah si hnga ti a tutiang in an theih fiang kho rih lo.


Post a Comment

0 Comments
* Please Don't Spam Here. All the Comments are Reviewed by Admin.