World War II Ralpi Pahnih Lio Bomb A Puak Ruangah Germany Mipi 8000 Cu



Germany ram Hanover khuapi ah vawlei cung ralpi pahnih (WW II) lio i an phun mi bomb a puak ruangah Hanover khua mi minung 8000 leng nih an inn le lo an tlik tak tiin report an tuah. Hi Bomb hi British ra phunmi a si.  Mipi pawl hi an herh mi thilri le sii ai nan i ken lai tiin nawl ngeitu bi nih an ti hna. Bomb a puak ruang ah an umnak inn le lo tlik tak a hau mi chung khar hna hi sianginn ah an umter chung hna tiin an chim. 

WW II ralpi pahnih lio i British bomb, Germany, Hanover khuapi ah a puak mi hi ttuanvo ngeitu lei nih atu hi operation an tauh cuah mah lio pi a si caah operation an tuah chung ahhin mipi pawl hna hi sianginn ah an chiah chung hna nak hi a si.  Atu a puak mi Aerial Bomb pi hi Kg 500 a rit mi a si tiin report tuah tu nih an  chim. 

Adang thawngpang relchih... 

Sagaing ramṭhen, Kalaymyo, Nyaungpinthar sang um Bazaar ah pangpar aa tonhmi mipi nu 20 leng cu SAC ralhrang nih an tlaih hna, tiah mit hmutu hna nih an chim. June 19, nihin hi rampi ruahnak petu Aung San Suu Kyi chuahcam a si caah mipi hna nih pangpar tonh, hlasak tibantuk in chuahcam lawmhpi ding ah forhfialnak an tuah. Cucaah SAC ralhrang nih pangpar aa tonhmi mipi nu hna cu June 19, zing suimilam 8:00 tluk ah an tlaih hna hi a si, tiah tualchung mipi nih an chim.

Inn in bazaar ah thil a cawmi pa nih "tlaihkhih a tongmi hna hi pangpar an i tonh ruang ah a si. A tlaitu SAC ralhrang pawl cu mipi bantuk in thil an i hruk-aih, ka nupi zong an tlaih i, atu tiang an thlah rih lo" tiah tlaihkhih tongmi nu pasal nih Zalen ah a chim. Bazaar ah thil a zuarmi nu pakhat nih "Rawl an ei silomaw? pangpar tonh cu sualnak tuah maw asi?. ruat uh! ruat uh!" tiah a chim ve.

June 18, zan suimilam 7:00 tluk zong ah Kalaymyo thlanglei ah hriamngan duhpaoh in an kahmi kuan 20 hrawng cu Htuma khua a tlak caah kum 40 tluk pa pakhat a nunnak liam i, kum 23 nu pakhat hliamhma a tuar, tiah theih a si.

Hriamngan kahnak in nunnak liammi pa hi a paw, a ṭaang, a baan le a hmai hna a khen ca ah atu bantuk in a nunnak a liam hi asi, tiah Zalen nih a langhter. Cu pinah Tayakone khua zong ah hriamngan kuan 1 a tla ve i, kum 50 tluk nu pakhat hliam a tuar ve, tiah kan theih. 

"Zan suimilam 7:00 hrawng ah Htuma khua ah hriamngan kuan 4 a puak i, pa pakhat a nunnak liam pinah nu pakhat zong hliamhma a tuar. Tayakone chung zong ah pakhat a puak i, nu pakhat hliam a tuar ve" tiah tualchungmi pakhat nih a chim.

 


Post a Comment

0 Comments
* Please Don't Spam Here. All the Comments are Reviewed by Admin.